am
en
ru

Նորություններ

Ամփոփվել է 14-րդ ամենամյա ԴիջիԹեքը

14-րդ ամենամյա ԴիջիԹեք տեխնոլոգիական ցուցահանդեսում ներկայացվել է բիզնեսը՝ բիզնեսի (B2B), բիզնեսը՝ հաճախորդի (B2C), բիզնեսը՝ կառավարության (B2G) համար բազմաթիվ ծառայություններ, նորարար կրթության հնարավորություններ և մի շարք սեմինարներ: ԴիջիԹեք 2018-ը միավորել է ՏՀՏ ոլորտի շուրջ 120 ընկերությունների ու ծրագրերի և մոտ 80 հազար այցելուների: Այս տարի ցուցահանդեսն առանձացավ նաև գործարար կապերի հաստատման արդյունավետությամբ:

«Տոն՝ տեխնոլոգիական հայության համար» կարգախոսի ներքո անցկացվող ԴիջիԹեք ցուցահանդեսը տարածաշրջանի ամենախոշոր ու սպասված տեխնոլոգիական միջոցառումներից է: Այս տարի ի պատիվ Երևանում անցկացվող Ֆրանկոֆոնիայի գագաթաժողովի` ԴիջիԹեքը երկարաձգվել է մեկ օրով, որպեսզի գագաթաժողովի շրջանակում անցկացվող տնտեսական համաժողովի հյուրերն ու ներկայացուցիչները նույնպես ծանոթանան ԴիջիԹեքում ներկայացված տեղական ու միջազգային ընկերությունների տեխնոլոգիական ու նորարար լուծումներին: Պատվիրակության կազմում էր նաև ֆրանսիացի ճարտարագետ-գիտնական, դեյտագրամների գյուտարար, CYCLADES ցանցի հիմնադիրներ Լուի Պուզանը: Նա խոստովանել է, որ տպավորված է հայկական ընկերությունների աշխատանքով, մասնավորապես նրան հաճելիորեն զարմացրել են հայկական ընկերությունների՝ ապագայի նկատմամբ ունեցած տեսլականը և աշխարհին համահունչ քայլելու ձգտումը։ ԴիջիԹեքի հյուրերին հատկապես զարմացրել է հայ աշակերտների ստեղծարար միտքը։

ԴիջիԹեք ցուցահանդեսը համապատասխանեցվում է միջազգային ստանդարտներին

«Տոն՝ տեխնոլոգիական հայության համար» կարգախոսի ներքո անցկացվող ԴիջիԹեք 2018-ը, համախմբելով տեխնոկրատներին, քայլ առ քայլ մոտենում է ՏՏ համաշխարհային համաժողովին (WCIT)՝ կրելով նաև 2-րդ՝ «ՏՏ համաշխարհային համաժողովի ճանապարհին» խորագիրը: ԴիջիԹեքին կհայտարարվի հետհաշվարկը, քանի որ ընդամենը մեկ տարի անց Հայաստանը կհյուրընկալի միջազգային ամենախոշոր միջոցառումներից մեկը՝ WCIT 2019:

ԴիջիԹեք տեխնոտոնը՝ համապատասխանեցվելով միջազգային ստանդարտներին, արդեն այս տարի կգրանցի այցելուների նախասիրությունները՝ հետագայում ավելի թիրախավորված առաջարկներով հանդես գալու համար:

Այսպիսով՝ հերթերից խուսափելու համար կազմակերպիչներն առաջարկում են նախապես գրանցվել՝ այցելելով digitec.am կամ ԴիջիԹեքի ֆեյսբուքյան էջ, որտեղ կարելի է գրանցվել հատուկ ստեղծված chatbot-ի օգնությամբ: Պետք է պահպանել ծածկագիրը (QR code) և ներկայացնել այն անցակետում: Հակառակ դեպքում, ստիպված կլինեք մուտքի մոտ կրկին գրանցվել:

ԻՏՁՄ-ն ընդլայնում է իր գործունեության ոլորտը և այսուհետ կկոչվի Առաջատար տեխնոլոգիաների ձեռնարկությունների միություն (ԱՏՁՄ)

Ինֆորմացիոն տեխնոլոգիաների ձեռնարկությունների միությունը (ԻՏՁՄ-UITE)՝ որպես Հայաստանի 80-ից ավելի տեղեկատվական տեխնոլոգիաների ոլորտի ընկերությունների խոշորագույն բիզնես ասոցիացիա, ընդլայնում է իր գործունեությունը՝ ներառելով առաջատար տեխնոլոգիաների ոլորտը:

Միությունը այժմ կկոչվի Առաջատար տեխնոլոգիաների ձեռնարկությունների միություն (ԱՏՁՄ-UATE) :

«Տեղեկատվական տեխնոլոգիաների ոլորտի հիմնախնդիրները մոտ 90%-ով համընկնում են առաջատար այլ ոլորտների խնդիրների հետ. ինչպես օրինակ՝ կրթության հիմնախնդիրներն ու կադրերի պատաստումը, «Հայաստանը՝ որպես բարձր տեխնոլոգիական երկիր» բրենդի առաջխաղացումը, ռազմարդյունաբերության ոլորտում բարձր տեխնոլոգիաների կիրառումը և այլն: Կարծում եմ, որ առաջատար տեխնոլոգիական ընկերությունների ընդգրկումը մեր ասոցիացիայի մեջ՝ կուժեղացնի մեր հնարավորությունները նշված խնդիրների համապարփակ լուծման համար», - նշում է ԱՏՁՄ գործադիր տնօրեն Կարեն Վարդանյանը :

Կայացել է ԻՏՁՄ 18-րդ Համաժողովը. ընտրվել են վարչության անդամներն ու նախագահը

Մայիսի 23-ին կայացել է Ինֆորմացիոն տեխնոլոգիաների ձեռնարկությունների միության (ԻՏՁՄ) 18-րդ տարեկան Համաժողովը:

Համաժողովին մասնակցել են ՀՀ վարչապետ Նիկոլ Փաշինյանը, ՀՀ Տրանսպորտի, Կապի և ՏՏ նախարար Աշոտ Հակոբյանը, փոխնախարար Հակոբ Արշակյանը, Տնտեսական զարգացման և ներդրումների նախարար Արծվիկ Մինասյանը, ՀՀ սպորտի և երիտասարդության հարցերի նախարար Լևոն Վահրադյանը, պետական գերատեսչությունների այլ ներկայացուցիչներ, ԻՏՁՄ անդամ կազմակերպությունների, ՏՏ ոլորտի այլ ընկերությունների, կրթական հաստատությունների, միջազգային կազմակերպությունների ու դիվանագիտական կառույցների ներկայացուցիչներ և այլ հյուրեր:

ՏՏ համաշխարհային համաժողովի էստաֆետը փոխանցվել է Հայաստանին

Հայաստանյան պատվիրակութունը վերադարձել է Հնդկաստանի Հայդերաբադ քաղաքում տեղի ունեցած ՏՏ համաշխարհային համաժողովից (World Congress in Information Technology - WCIT), որի շրջանակում գրացնել են հաջողություններ, մասնակցել մի շարք պաշտոնական և գործարար հանդիպումների, եւ որ ամենակարեւորն է՝ ստացել 2019 թ-ին համաժողովը Երևանում անցկացնելու էստաֆետը: Այս մասին լրագրողների հետ հանդիպմանը խոսել են WCIT 2018-ի Հայաստանի պատվիրակության անդամներ՝ ՀՀ տրանսպորտի, կապի և ՏՏ նախարարի տեղակալ Արման Խաչատրյանը, Ինֆորմացիոն տեխնոլոգիաների ձեռնարկությունների միության (ԻՏՁՄ) նախագահ Ալեքսանդր Եսայանը, գործադիր տնօրեն Կարեն Վարդանյանը և «Ինստիգեյթ» ընկերության տնօրեն Արման Պողոսյանը:

ԻՏՁՄ-ի և Արցախի ԿԳՍ նախարարության միջև կնքվել է հուշագիր

Արցախի Հանրապետության Կրթության, գիտության և սպորտի նախարարության՝ ի դեմս նախարար Նարինե Աղաբալյանի, և Ինֆորմացիոն տեխնոլոգիաների ձեռնարկությունների միության (ԻՏՁՄ)՝ ի դեմս Կարեն Վարդանյանի, միջև ստորագրվել է հուշագիր «Արցախի Հանրապետության կրթական համակարգում նախնական ինժեներական կրթության ներդրում՝ «Արմաթ» ինժեներական լաբորատորիաների միջոցով» ծրագրի շրջանակում համագործակցելու մասին:

Հաշվի առնելով ԻՏՁՄ-ի կողմից 2013-2017 թվականների ընթացքում Հայաստանի և Արցախի կրթական համակարգում գործարկված 220-ից ավելի ինժեներական լաբորատորիա-խմբակների հաջողված փորձը և համաշխարհային շուկայում ՏՏ մասնագետների աննախադեպ պահանջարկը, որը հնարավորություն կտա մեծ ծավալով աշխատանքներ իրականացնել և ներդրումներ ներգրավել ՏՏ ոլորտում, կողմերը ջանքեր կգործադրեն ներգրավելու ինչպես պետական այնպես էլ ոչ պետական միջոցներ՝ Արցախի կրթական համակարգում (այդ թվում՝ բոլոր դպրոցներում) «Արմաթ» ինժեներական լաբորատորիաների ներդրման և գործունեության համար:

Կայացավ 5-րդ ամենամյա Բիզնես ինովացիոն ֆորումը

Նոյեմբերի 10-ին և 11-ին «Դեպի նոր իրականություն» խորագրի ներքո կայացել է 5-րդ ամենամյա Բիզնես ինովացիոն միջազգային ֆորումը: Երկօրյա Բիզնես ինովացիոն ֆորումն իրականացվում է Ինֆորմացիոն տեխնոլոգիաների ձեռնարկությունների միության (ԻՏՁՄ) կողմից և մշտապես անցկացվում է Դիլիջանում: Այն հավակնում է դառնալ հայկական «Դավոս», որտեղ վեր են հանվում նորարար և տեխնոլոգիական հրատապ հիմնահարցեր: 5 տարի շարունակ միջոցառման PR գործընկերն է հանդիսանում P-Art ընկերությունը:

ԴիջիԹեք 2017. Շուրջ 150 մասնակից ընկերություն ու 70 հազար այցելու

Տարածաշրջանի ամենախոշոր ԴիջիԹեք տեխնոլոգիական ցուցահանդեսն այս տարի առանձնացավ միջազգային ընկերությունների ծանրակշիռ մասնակցությամբ. ԴիջիԹեքը մեկ վայրում էր համախմբել ոչ միայն Հայաստանի տեխնոլոգիական ու նորարար ընկերություններին, այլ նաև մի շարք օտարերկրյա ընկերությունների ու անհատների:

Հայաստանում ամենասպասված ԴիջիԹեք 2017 տեխնոլոգիական եռօրյա ցուցահանդեսը միավորել էր շուրջ 150 մասնակից ընկերությունների ու 70 հազար այցելուների: Ներկայացվել են տեխնոլոգիական ոլորտի վերջին նորարություններն ու ոլորտի ձեռքբերումները, անց են կացվել սեմինարներ, գիտաժողովներ և այլն:

Հանքավանում մեկնարկել են «ԴիջիՔեմփ» և «Արմաթ» տեխնոլոգիական ճամբարները

Հունիսի 29-ին Հանքավանում մեկնարկել են Ինֆորմացիոն տեխնոլոգիաների ձեռնարկությունների միության (ԻՏՁՄ) կողմից իրականացվող ամենամյա «ԴիջիՔեմփ» նորարարական և «Արմաթ» ամառային տեխնոլոգիական ճամբարները:

5-րդ ամենամյա «ԴիջիՔեմփ» նորարարական ճամբարին մասնակցում են 14-17 տարեկան ինովացիոն գաղափարներ ունեցող շուրջ 50 պատանիներ: «ԴիջիՔեմփի» նպատակն է աջակցել և ուղղորդել ինովացիոն գաղափարներ ունեցող պատանիներին, որպեսզի զարգացնեն իրենց տեխնոլոգիական գաղափարները և դրանք դարձնեն բիզնես ծրագրեր: Ինովացիոն ճամբարի շրջանակում դպրոցականները կլսեն առաջատար ՏՏ ընկերությունների ներկայացուցիչների դասախոսությունները, ապա թիմային աշխատանքների միջոցով կզարգացնեն իրենց գաղափարները: Ճամբարի ավարտին կընտրվեն լավագույն 3 նախագծերը, իսկ հեղինակները կարժանանան դրամական պարգևի:

«Արմաթ» ամառային տեխնոլոգիական ճամբարն իրականացվում է արդեն 2-րդ անգամ: Ի տարբերություն նախորդի, այս տարի «Արմաթ» ճամբարին մասնակցում են 10-13 տարեկան նաև սփյուռքահայ դպրոցականներ (ԱՄՆ, Կանադա, ՌԴ):

ԴիջիԹեք բիզնես ֆորումի շրջանակում գործարկվել է wcit2019 պաշտոնական կայքը, ներկայացվել է պաշտոնական տեսահոլովակը

Հունիսի 9-ին մեկնարկել է 10-րդ հոբելյանական ԴիջիԹեք բիզնես ֆորումը: Բիզնես ֆորումի պաշտոնական մեկնարկին բացման խոսքով հանդես եկավ ԴիջիԹեք բիզնես ֆորումի կազմակերպիչ՝ Ինֆորմացիոն տեխնոլոգիաների ձեռնարկությունների միության նախագահ Ալեքսանդր Եսայանը: ՀՀ տրանսպորտի, կապի և ՏՏ նախարար Վահան Մարտիրոսյանը ողջունեց միջոցառման հյուրերին և ներկայացրեց ՀՀ վարչապետ Կարեն Կարապետյանի ողջույնի խոսքը: Վարչապետի ուղերձում մասնավորապես նշվում է. «Չափազանց մեծ է ԴիջիԹեք բիզնես ֆորումի դերը, որը 2008 թ-ից ի վեր հիանալի հարթակ է ՏՏ ընկերությունների համար՝ մասնակցելու Հայաստանի տնտեսության զարգացման գործում: Այս տարի ևս ակնկալվում է այստեղ գտնել «Խելացի լուծումներ խելացի բիզնեսի համար»: Վարչապետը նաև կարևորել է Հայաստանում ՏՏ համաշխարհային համաժողովի մեկնարկը և նշել, որ սա մեծ հաջողություն է Հայաստանի համար՝ երկրի տեխնոլոգիական ապրանքանիշի առաջխաղացման և Հայաստանն աշխարհի տեխնոլոգիական քարտեզի վրա դիրքավորելու առումով:

Հայաստան կժամանեն WITSA նախագահն ու քարտուղարը

ԴիջիԹեք բիզնես ֆորումն այս տարի կազդարարի 2019 թ-ին Երևանում կայանալիք ՏՏ համաշխարհային համաժողովի (World Congress on Information Technologies - WCIT) նախապատրաստական աշխատանքների մեկնարկը: ԴիջիԹեք բիզնես ֆորումն այս տարի կազդարարի 2019 թ-ին Երևանում կայանալիք ՏՏ համաշխարհային համաժողովի (World Congress on Information Technologies - WCIT) նախապատրաստական աշխատանքների մեկնարկը:

Հայտնի են ԴիջիԿոդ ծրագրավորման մրցույթի արդյունքները

Մրցույթի հիմնական նպատակն է խրախուսել և զարգացնել դպրոցականների ալգորիթմական մտածողությունը, աշակերտներին խաղ սպառողից վերածել խաղ ստեղծողի, բացահայտել տաղանդավոր պատանիներին և հնարավորություն տալ զարգացնել ստեղծագործական ունակությունները:

ԻՏՁՄ-ն ամփոփում է տարին

Միության ջանքերով Հայաստանում (ներառյալ Արցախ) գործում են արդեն 193 «Արմաթ» ինժեներական լաբորատորիաներ, որոնցից 128-ը հիմնվել են 2016-ի ընթացքում: Ի դեպ, օրերս կայացած ԻՏՁՄ ամանորյա միջոցառման մուտքավճարներից գոյացած հասույթն ամբողջությամբ ուղղվել է Արցախի Քաշաթաղի շրջանի Վուրգավան գյուղի միջնակարգ դպրոցում «Արմաթ» լաբորատորիայի ներդրմանը:

«Ի՞նչ, Որտե՞, Ե՞րբ» ինտելեկտուալ հեռուստաշոուի գիտակների ընտրություն

Դեկտեմբերի 17-ին՝ ժամը 12-ին, հրավիրում ենք մասնակցելու «Ի՞նչ, Որտե՞ղ, Ե՞րբ» ինտելեկտուալ հեռուստաշոուի գիտակների հերթական ընտրությանը, որը տեղի կունենա Աբովյան 50/5 հասցեում գտնվող Համահայկական երիտասարդական կենտրոնում:

Բիզնես ինովացիոն ֆորումին մասնակցեցին տեղական և միջազգային ընկերությունների շուրջ 200 ներկայացուցիչ

Նոյեմբերի 18-19-ը Դիլիջանում «Հայաստան 20.18 - 2018թ.՝ Հայաստանը 20 ամենանորարար երկրների շարքում» խորագրի ներքո կայացավ Բիզնես ինովացիոն ֆորումը:

ԴիջիԹեք 2016-ին մասնակցել են տեղական և միջազգային 124 ընկերություն ու ծրագիր և շուրջ 60 000 այցելու

ԴիջիԹեքի պաշտոնական բացման արարողությանը ողջույնի խոսքով հանդես են եկել ՀՀ տրանսպորտի և կապի նախարար Վահան Մարտիրոսյանը, ցուցահանդեսի կազմակերպիչ՝ Ինֆորմացիոն տեխնոլոգիաների ձեռնարկությունների միության (ԻՏՁՄ) գործադիր տնօրեն Կարեն Վարդանյանը և ԴիջիԹեքի պլատինե հովանավոր Ucom ընկերության գլխավոր տնօրեն Հայկ Եսայանը:

ԴիջիԹեք ցուցահանդեսի բացման հանդիսավոր արարողությանը ներկա են եղել նաև ՀՀ Նախագահ Սերժ Սարգսյանը, Պաշտպանության փոխնախարար, ռազմարդյունաբերության պետական կոմիտեի նախագահ Դավիթ Փախչանյանն ու կառավարության և դիվանագիտական կառույցների, մի շարք այլ կազմակերպությունների ներկայացուցիչներ և հյուրեր:

«Արմաթ» լաբորատորիան ՏՏ համաշխարհային համաժողովում մրցանակի է արժանացել

«Արմաթ» ինժեներական լաբորատորիաները WITSA Global Excellence Award մրցանակաբաշխությունում Sustainable growth անվանակարգում մրցանակի են արժանացել:

Մրցանակաբաշխությունն ավանդաբար անց է կացվում 6 անվանակարգում ՏՏ համաշխարհային համաժողովի (WCIT) շրջանակում` Տեղեկատվական տեխնոլոգիաների և ծառայությունների համաշխարհային ալյանսի (WITSA) կողմից:

Բրազիլիայում անցկացվող ՏՏ համաշխարհային համաժողովում անցկացվող WITSA Emerging Digital Solutions ծրագրի 7 անվանակարգերից երկուսում հաղթել են հայկական Sinergy և Lokalz ընկերությունները:

ԴիջիԹեքյան տեխնոլոգիական տոները մեկնարկում են սեպտեմբերի 30-ին

12-րդ ամենամյա ԴիջիԹեք ցուցահանդեսը տեղի կունենա սեպտեմբերի 30-ից հոկտեմբերի 2-ը՝ «Երևան Էքսպո» կենտրոնում:

Ucom-ը բնակարաններ կնվիրի չեմպիոն օլիմպիականներին

Ucom ընկերության հովանավորությամբ Հայաստանի ազգային օլիմպիական հավաքականի Ռիո դե Ժանեյրո մեկնած ու հաղթական մեդալներով վերադարձած մարզիկները Ucom ընկերության բաժնետերերի խորհրդի որոշմամբ բնակարաններ ու դրամական պարգևներ կստանան։

Ամպային տեխնոլոգիաները գալիս են օգնելու հայաստանյան կազմակերպություններին

Microsoft ընկերությունն առաջին անգամ կազմակերպել էր հանդիպում-սեմինար հայաստանյան լրագրողների համար: Հանդիպման նպատակն էր ներկայացնել ամպային լուծումների կիրառման առաձնահատկությունները, միջազգային և հայկական օրինակները և այլն:Հանդիպման շրջանակներում ելույթով հանդես են եկել Microsoft ընկերության հայաստանյան ներկայացուցչության տնօրեն Լիանա Կորկոտյանը, Microsoft Հայաստան/Կենտրոնան և Արևելյան Եվրոպայի ծրագրավորման տեխնոլոգիաների գծով փորձագետ Լևոն Հովհաննիսյանը, VOLO ընկերության տնօրեն Արմեն Քոչարյանը և Dom-Daniel ընկերության տնօրեն Արտաշես Քալանթարյանը։

<< Previous 1 2 Next >>

Գործընկերներ